Son.az islam.az-a istinadən bildirir ki, insan Allah qarşısında daim bu halda olmalıdır. Allahın ucalığını və qüdrətini bütün davranışları ilə təsdiq etməyə çalışmalı, bunun müqablində öz acizliyini etiraf etməlidır. Xüşu isə qorxu mənasında anlaşılır. Yəni həmişə Allahın nəzarəti altında olduğunu, bütün pis əməllərinə görə mütləq Allaha cavab verəcəyini anlamaq, bu düşüncəyə yiyələnmək. Namaz zamanı xüzu və xüşu halında olan şəxsin diqqəti kənara yönəlməz, o, bütün diqqətini ibadətə verər, çünki böyük qüdrət qarşısında durduğunu anlayar. Hətta namaz zamanı insanın öz duruşu ilə də xüzu və xüşuya riayət etməsi tövsiyə olunur.