Bakı. Samir Əli - Bakı Ağır Cinayətlər Məhkəməsində azyaşlı uşağı öldürməyə cəhddə təqsirləndirilən Mövsüm Bağırovun cinayət işi üzrə məhkəmə prosesi başlayıb. Trend-in məlumatına görə, hakim Azər Paşayevin sədrliyi ilə keçirilən prosesdə prokuror ittiham aktını elan edib. Prosesdə məlum olub ki, M.Bağırov hadisəni anlaqsız vəziyyətdə törədib. Məhkəmə onun barəsində yenidən tibbi-ekspertiza təyin edib.