Stadionu satıldığı deyilən orta məktəbin direktoru


Digərləri 14 Noy 2018 13:25:00 295 0

Stadionu satıldığı deyilən orta məktəbin direktoru

Son günlər xəbər portallarında Masallıda orta məktəbin stadionunun satışa çıxarıldığı və hətta artıq alıcısının da tapıldığı yazılır. 

Son.az ARB TV-yə istinadən xəbər verir ki, bu barədə Masallı rayonunun Qəriblər kənd sakinləri tərəfindən verilən məlumatda deyilir. İddiaya görə, stadionu bələdiyyə sədri Müşfiq Ağayev satıb. 0,5 hektar ərazisi olduğu deyilən stadionun artıq yeni sahiblərinə veriləcəyi bildirilir. Bələdiyyə sədri Müşfiq Ağayev mövzuya münasibət bildirərək qeyd edib ki, stadionun satılması ilə bağlı internetdə yayılan məlmatlar şər və böhtandır. Satılan torpaq məktəbin deyil, bələdiyyənin balansında olub. Bunu təsdiq edən sənədlər var. Məsələ ilə bağlı ARB TV-yə açıqlama verən Qəriblər Kənd Orta məktəbin direktoru Şərafət Əliyev də yayılan məlumatın yalan olduğunu bildirib: "Son günlər məktəbin stadionunun satılması ilə bağlı internetdə yayılan məlumatlar tamamilə yalandır. Həmin stadion məktəbin ərazisi ilə yaxınlıqda yerləşsə də, məktəbin və Təhsil Nazirliyinin balansında deyil, kənd bələdiyyəsinin ərazisinə daxildir".


Xəbərə aid fotolar