Son.az oxu.az-a istinadən bildirir ki, qətlə yetirilən Larisa Frosina dispetçeri çağırma düyməsinə basa bilib, ancaq əlaqənin digər tərəfində oturan qadın polisi çağırmağa tələsməyib. Audioyazı REN.TV telekanlında yayımlanıb.

Şabanov evə qayıdan Frosinanı binada bıçaqlayıb. Onun cəsədi həmin binanın liftində aşkar edilib.

"Ey, liftdəki qız!" Sizi kamera çəkir. Polis çağıracam", - dispetçer bildirib.

Audioyazıda qadının qatilə pulu götürməsini və ona yazığı gəlməsini istədiyi aydın eşidilir.

"Pulu götür. Xahiş edirəm... İstədiyin hər şeyi götür", - Larisa yalvarır.

Ancaq dispetçer niyəsə polis çağırmır və bir daha kömək lazım olduğunu soruşur.