Göygöldə saxta pulla alış-veriş edənlər saxlanılıblar
Digərləri 10 Noy 2018 00:58:13 280 0
Göygöl rayonunda saxta pulla alış-veriş edən şəxslər polis əməkdaşları tərəfindən yaxalanıblar.
Bakı.
Göygöl rayonunda saxta pulla alış-veriş edən şəxslər polis əməkdaşları tərəfindən yaxalanıblar.
DİN Mətbuat xidmətindən Trend-ə verilən məlumata görə, Göygöl Rayon Polis Şöbəsinə müraciət edən şəhər sakini olan qadın işlədiyi aptekə gələn 2 nəfərin aldıqları dərmanların müqabilində 2 ədəd 100 manatlıq əsginas verdiklərini, sonradan həmin pulun saxta olduğunu aşkar etdiyini bildirib.
Qadın həmin əsginasları polisə təqdim edib.
Məlumatla əlaqədar keçirilmiş əməliyyat tədbirləri nəticəsində saxta əsginasları verməkdə şübhəli bilinən 3 nəfər qısa müddətdə müəyyənləşdirilərək polis əməkdaşları tərəfindən saxlanılıblar.
Mənbə: az.trend.az