Xarici mətbuat: Azərbaycan tərəfi böyük əraziləri öz nəzarətinə alıb


Digərləri 09 Noy 2018 11:29:00 56 0

Xarici mətbuat: Azərbaycan tərəfi böyük əraziləri öz nəzarətinə alıb

Azərbaycan ordusu bütün yay və payız ayları ərzində Naxçıvan istiqamətində neytral ərazilər boyu irəliləyib və demək olar əksər strateji yüksəklikləri nəzarətə götürüb.

Son.az virtulaz.org-a istinadən xəbər verir ki, bu sensasion məlumatı həvəskar peyk çəkilişlərinə istinadla "Bellingcat" saytı yayıb. Azərbaycan ordusunun necə irəlilədiyi və Ermənistan ordusunun cəbhənin bu istiqamətində tamamilə əlverişsiz mövqelərdə qaldığı barədə məqalənin müəllifi isə Avstraliyadakı "Holokost və Soyqırım Araşdırmaları İnstitutu"nun analitiki Masis İngilisyandır.

Masis İngilisyan

Müəllif  "Planet Labs" tərəfindən çəkilmiş yeni həvəskar peyk fotolarına istinadən göstərir ki, Azərbaycan ordusunun mühəndis-istehkam işlərini davam etdirməsi nəticəsində Naxçıvan istiqamətində daha bir strateji post Azərbaycanın nəzarətinə keçib. Peyk fotolarında Azərbaycan silahlı qüvvələrinin Naxçıvan istiqamətində bir vaxtlar neytral ərazi hesab edilən ərazilərdə apardığı hazırkı mühəndis işləri əks olunur.

Qeyd olunur ki, Azərbaycan ordusunun təmas xəttində neytral ərazilər boyu irəliləməsi 1994-cü ildə atəşkəsin əldə olunmasından bəri əsasən Dağlıq Qarabağda davam edirdi. Nəticədə bir çox rayonlarda tərəflərin mövqeləri arasında məsafə bir neçə yüz metrə qədər azalıb.

Lakin Naxçıvan sərhədləri boyu irəliləmə atəşkəsin əldə olunmasından bəri Azərbaycan ordusunun ən irimiqyaslı irəliləyişdidir. Bunun nəticəsində hərbi əməliyyatların dayanmasından bəri Azərbaycan tərəfi ən böyük ərazini öz nəzarətinə alıb. Müəllif qeyd edir ki, Ermənistan ordusu da 2012 və 2014-2015-ci illərdə Naxçıvan istiqamətində yeni yüksəkliklər tutmaq üçün bu cür taktikadan istifadə edib. Lakin "Planet Labs" tərəfindən təqdim edilən son fotolara əsasən Azərbaycan ordusu regionda mövqelər uğrunda son 10 ildə davam edən mübarizədən sonra hazırda sərhədin bu istiqamətində Ermənistan ordusuna nisbətən daha əlverişli mövqelərdədir.

Bildirilir ki, Azərbaycan ordusunun Naxçıvan regionunda mövqelərini yaxşılaşdırması, o cümlədən yolların çəkilməsi və səngərlərin erməni səngərlərinə yaxınlaşdırılması Qarabağda mümkün münaqişə zamanı ikinci cəbhənin açılmasına gətirib çıxara bilər. Hansı ki, Azərbaycan son illər Naxçıvanda hərbi iştirakını durmadan artırıb.

Sayt xatırladır ki, Azərbaycan ordusunun Naxçıvan istiqamətində neytral ərazilər boyu irəliləyərək böyük əraziləri nəzarətinə götürməsi ilk dəfə bu ilin yazında "Razm.info" saytının analitiki Ayk Xaçikyanın "Naxçıvanda nə baş verir?" məqaləsindən sonra ictimailəşib. Həmin vaxt Naxçıvan Əlahiddə Ümumqoşun Ordusu 90-cı illərin əvvəllərində tərk edilmiş və Ermənistan ordusunun atəşi altında olan Günnüt kəndi (Şərur rayonu) də daxil olmaqla 11 min hektardan çox ərazini nəzarətinə götürüb. Qızılqaya yüksəkliyini tutub və nəticədə Ermənistan ərazisindən Qarabağa gələn strateji əhəmiyyətli Yerevan-Gorus-Laçın avtomobil yoluna nəzarət etmək imkanı qazanıb.

Lakin yeni peyk fotoları təsdiq edir ki, Azərbaycan silahlı qüvvələri Naxçıvan istiqamətində irəliləməni bununla dayandırmayıb. Bütün yay və payız ayları ərzində mühəndis işlərini davam etdirib və yeni əlverişli mövqelər tutub.

Belə ki, peyk fotlolarına əsasən Azərbaycan silahlı qüvvələri bu ilin may ayında çəkilən yeni yollarla irəliləyərək təmas xəttinə mövqelərini daha da yaxınlaşdırıb. Arpa çayından şimal-qərbdə yerləşən yüksəklik və dağ massivi bu ilin may ayında Azərbaycan qoşunları tərəfindən hələ tam tutulmamışdı. Amma yeni peyk fotolarına əsasən həmin dağ massivi tamamilə Azərbaycanın nəzarəti altındadır və ora yeni yollar çəkilib.

Yayda və payızın əvvəllərində Azərbaycan həmin dağ massivi boyu yeni mövqelərdə öz qoşunlarını yerləşdirib. Beləliklə, Ermənistan ordusunun birinci müdafiə xətti və ermənilərin hərbi təyinatlı avtomobil yolu bütünlüklə Azərbaycan ordusunun nəzarəti altına düşüb. Habelə Azərbaycan erməni mövqelərinə doğru yeni səngərlər qazıb.

Digər fotolarda Azərbaycanın Ermənistanla sərhəddə daha bir adsız yüksəkliyə tərəf yeni yol çəkdiyi görünür. Sayt bildirir ki, erməni mövqeləri ilə üzbəüz ərazinin dağlıq relyefi nəzərə alınmaqla Azərbaycan silahlı qüvvələrinin yeni səngərlər qazmağı və yollar çəkməyi davam etdirəcəyini göstərir. Bu da təmas xəttinin həmin istiqamətində erməni mövqelərini tamamilə əlverişsiz vəziyyətdə qoyacaq və istisna deyil ki, Ermənistan ordusu həmin müdafiə xəttini məcburi tərk edəcək.

"Bellingcat" bildirir ki, Azərbaycan silahlı qüvvələrinin yeni manevrləri nətiicəsində Ermənistan ordusu faktiki olaraq postlarından birini tərk edib. Sayt peykdən çəkilmiş fotoda ermənilərin tərk etdiyi postu nişan verir. Masis İngilisyan qeyd edir ki, hadisələrin bu cür inkişafı Azərbaycan silahlı qüvvələrinin nəzarətinə keçən ərazilərin erməni infrastrukturu və yaşayış məntəqələri üçün təhdid yaradacağını göstərir. Habelə Azərbaycanın bu əraziləri hərbiləşdirməyə dair gələcək planları barədə suallar meydana çıxarır.

Peyk fotoları əsasənda təhlil aparan müəllif göstərir ki, Azərbaycan ordusunun son aylarda gördüyü mühəndis işləri nəticəsində erməni səngərləri bütünlüklə əlçatandır və yaxın gələcəkdə ermənilərin həmin səngərləri tərk etməsi qaçılmaz görünür.

Virtualaz.org "Bellingcat" saytının bu məqaləsi ilə bağlı Azərbaycan Müdafiə Nazirliyindən soruşub, nazirlik bu mövzu ilə bağlı şərh verməyib. Xatırladaq ki, bu ilin mayında Müdafiə Nazirliyi Günnüt kəndinin azad edilməsi də daxil olmaqla Naxçıvan istiqamətində ordumuzun keçirdiyi uğurlu əməliyyat barədə geniş məlumat və videoxülasə yaymışdı.


Xəbərə aid fotolar

Qayınana gəlinini diridiri basdırıb, üstünə beton tökdü like
  • 09 Noy 11:19  
Dünya Qayınana gəlinini diridiri basdırıb, üstünə beton tökdü

Qayınana ilə qayınata birləşərək gəlinlərini diri-diri basdırıblar.

arrow Ətraflı
Ölkədə bir gündə 99 cinayət qeydə alınıb like
  • 09 Noy 11:18  
Digərləri Ölkədə bir gündə 99 cinayət qeydə alınıb

Noyabr ayının 8-dən 9-dək respublikanın daxili işlər orqanları tərəfin

arrow Ətraflı
"Qladiator" tanınmaz dərəcədə dəyişdi like
  • 09 Noy 11:09  
Digərləri "Qladiator" tanınmaz dərəcədə dəyişdi

Məşhur Hollivud aktyoru Rassel Krou serialdakı (The Loudest Voice In The Room

arrow Ətraflı
Milli Oftalmologiya Mərkəzi Tovuzda tibbi aksiya keçirdi (FOTO) like
  • 09 Noy 11:00  
Digərləri Milli Oftalmologiya Mərkəzi Tovuzda tibbi aksiya keçirdi (FOTO)

Akademik Zərifə Əliyeva adına Milli Oftalmologiya Mərkəzinin Dəmiryolu S

arrow Ətraflı
Müğənni Zamiq Hüseynov uşaqlıq arzusuna çatdı like
  • 09 Noy 10:59  
Digərləri Müğənni Zamiq Hüseynov uşaqlıq arzusuna çatdı

Müğənni Zamiq Hüseynov xalq artisti Fəxrədddin Manafovla görüşüb.

arrow Ətraflı
Bıçaqlı şəxs ətrafdakılara hücum edib, like
  • 09 Noy 10:54  
Dünya Bıçaqlı şəxs ətrafdakılara hücum edib,

Avstraliyada əli bıçaqlı şəxs ətrafdakılara hücum edib.

arrow Ətraflı
Azərbaycan şirkəti BƏƏdə balıq formasında nəhəng bina tikə bilər like
  • 09 Noy 10:51  
Digərləri Azərbaycan şirkəti BƏƏdə balıq formasında nəhəng bina tikə bilər

Azərbaycanın "Karvan-L" şirkətlər qrupu Birləşmiş Ərəb Əmir

arrow Ətraflı
Victoria’s Secret şedevrini göstərdi like
  • 09 Noy 10:49  
Digərləri Victoria’s Secret şedevrini göstərdi

Dünyanın ən məşhur moda brendlərindən olan "Victoria's Secret&qu

arrow Ətraflı
Prezident İlham Əliyev ABŞ Nəqliyyat Komandanlığının komandanını qəbul edib  FOTO like
  • 09 Noy 10:46  
Siyasət Prezident İlham Əliyev ABŞ Nəqliyyat Komandanlığının komandanını qəbul edib FOTO

Son.az AZƏRTAC-a istinadən xəbər verir ki, Azərbaycan Respublikasının Pre

arrow Ətraflı
Azərbaycan şirkəti BƏƏ-də balıq formasında nəhəng bina tikə bilər (ÖZƏL) like
  • 09 Noy 10:40  
Digərləri Azərbaycan şirkəti BƏƏ-də balıq formasında nəhəng bina tikə bilər (ÖZƏL)

Azərbaycan şirkəti BƏƏ-də balıq formasında nəhəng bina tikə bilər.

arrow Ətraflı
Bu qadın 50 ildir divarları qopardıb yeyir like
  • 09 Noy 10:39  
Digərləri Bu qadın 50 ildir divarları qopardıb yeyir

El arasında "Aclıqdan evdə divarları yeyirik" məsəli zarafat kim

arrow Ətraflı
Türkiyədə "Airbus A300" təyyarəsi yanıb like
  • 09 Noy 10:34  
Dünya Türkiyədə "Airbus A300" təyyarəsi yanıb

"Türkiyənin Konya vilayətində restoran kimi sitifadə olunan "Airb

arrow Ətraflı