Bakı. Çexiyanın Azərbaycandakı səfirliyi və seçilmiş özəl Çex şirkətləri ilə birlikdə iki ildən artıqdır həyata keçirilən, “Enerji səmərəliliyi məktəbi” adlanan unikal layihə çərçivəsində Şamaxı rayonunun Qaravəlli kənd orta məktəbində yenidənqurma işləri başa çatıb. Səfirlikdən Trend-ə verilən məlumata görə, 13 özəl çex şirkətindən ibarət konsorsium tərəfindən yenidənqurma işləri müasir enerjiyə qənaət materialları və texnologiyaları ilə həyata keçirilib.