Yeni tikililərə niyə istilik sistemləri qoşulmur?


Digərləri 07 Noy 2018 14:35:00 296 0

Yeni tikililərə niyə istilik sistemləri qoşulmur?

Artıq havalar soyuyur. Qış mövsümündə yada düşən ilk problem isə istilik sistemləridir. Respublikanın dağ və dağətəyi rayonlarında noyabr ayının 1-dən etibarən qazanxanalar işə salınsa da, paytaxt sakinləri ayın 15-nə qədər səbr etməli olacaqlar.

Son.az xəbər verir ki, bu barədə oxu.az-a "Azəristiliktəchizat" ASC-nin Abonent və Müştəri Xidmətlərinin rəisi Rafiq Əliyev məlumat verib.

Onun sözlərinə görə, noyabrın 1-dən ölkənin doqquz rayonunda istilik sistemlərindən istifadəyə start verilib:

"Dağlıq və dağətəyi rayonlar olduğundan, burada qış rejimi noyabrın 1-dən başlanılır. Digər ərazilərdə, eləcə də, paytaxt Bakıda 15 noyabr tarixindən eibarən istilik mövsümünə keçiləcək. Dağlıq və dağətəyi rayonlarda istifadəyə verilən qazanxanalarda heç bir problem qeydə alınmayıb.

Tədbir planına uyğun olaraq bütün qazanxanalar öz işini yerinə yetirir. İstilik təchizatını həmin qazanxanalardan götürən sosial obyektlər, yaşayış binaları normal istiliklə təmin edilib. Tədbir planına uyğun olaraq eyni şəkildə ayın 15-dən etibarən digər bölgələrdə və paytaxt ərazisində də istilik təchizatının istifadəsinə başlanılacaq.

Bu il Sumqayıt şəhərində 18-ci mikrorayon ərazisində yeni qazanxana istifadəyə veriləcək. Həmin qazanxana vasitəsilə 24 yaşayış binası və iki uşaq bağçası istilik sistemi ilə təmin olunacaq".

Rafiq Əliyev yeni tikilən çoxmərtəbəli binaların "Azəristiliktəchizat" ASC-nin qazanxanalarından istifadə edə bilməməsinin səbəbini də açıqladı:

"Yeni tikilən binalarda inşaat pasportu hazırlanır. İnşaat pasportunda işıq, qaz, su və istilik təchizatı müəssisələrindən texniki şərt alırlar. Texniki şərtdə isə hər bir qurumun öz şərtləri yer alır.