Beynəlxalq Muğam Mərkəzində "Yaradanlar və yaşadanlar" layihəsi həyata keçirilir FOTO
Digərləri 03 Noy 2018 20:04:00 282 0
Beynəlxalq Muğam Mərkəzində "Yaradanlar və yaşadanlar" layihəsi çərçivəsində keçirilən konsert tanınmış müğənni, əməkdar artist Kifayət Gəncəlinin yaradıcılığına həsr olunub.
Son.az Trend-ə istinadən bildirir ki, konsert Mədəniyyət Nazirliyinin dəstəyi ilə, "Mədəniyyət" televiziya kanalının və Beynəlxalq Muğam Mərkəzinin birgə layihəsi çərçivəsində həyata keçirilib.
Gecədə xalq artistləri Gülyanaq Məmmədova -"Arzum budur", Nəzakət Teymurova -"Uca dağlar", əməkdar artistlər Firuzə İbadova- "Qəlbimin səsi", Cavanşir Məmmədov - " Dəli ceyran", Kifayət Gəncəli özü -"Xatırla məni", Arzu Əliyeva -"Düz bir ildi", Gülüstan Əliyeva -"Xatirələr", Azərbaycan Televiziyası və Radiosunun solistləri Nurlan Namazov - "Pəri-pəri", Rövşən Əziz - "Bəyənmir məni", müğənnilər Məftun Məmmədli -"Leyla", Könül Məmmədli -"Tələbəlik illəri" mahnılarını ifa etdilər. İfaçıları xalq artisti Ağa Cəbrayıl Abasəliyevin bədii rəhbərliyi altında "Səadət" instrumental ansamblı müşayiət edirdi.