Son.az report-a istinadən xəbər verir ki, bu barədə "Güc birlikdədir" siyasi birliyinin nümayəndəsi Giorgi Vaşadze bu gün keçirdiyi brifinqdə bildirib.

Onun sözlərinə görə, ötən gün gecə saatlarında Axalkalaki şəhərində baş vermiş insidentə polis tərəfindən adekvat reaksiya verilməyib: "Axalkalakidəki ofisimizə Gürcü Arzusu Partiyasının üzvü Enzel Mkoyanın adamları soxularaq tərəfdaşlarımızı döyüblər. Həmin adamlar odlu silah və dəyənəklərlə olublar. Enzel Mkoyanın deputat toxunulmazlığı dayandırılmalı və o, mütəşəkkil cinayətkar qrupun başçısı kimi istintaqa cəlb olunmalıdır".

G.Vaşadze deyib ki, birləşmiş müxalifət seçki öncəsi insidentlərin araşdırılması üçün alternativ istintaq qrupu yaradır.