Dünya çempionatında 48 komanda iştirak edəcək
İdman 31 Okt 2018 11:53:00 199 0
FİFA prezidenti Canni İnfantino dünya çempionatında iştirakçı komandaların sayının artırılacağını bildirib.
Goal.az xəbər verir ki, beynəlxalq qurum yeni qaydanın DÇ-2022-də tətbiqi məsələsini müzakirə edir. “Mundialın final mərhələsində iştirakçıların sayını 32-dən 48-ə qaldırmaq barədə qərar qəbul olunub. Yeni qayda 2026- cı ilin mundialında qüvvəyə minəcək. Lakin 2022-də Qətərdə keçiriləcək dünya çempionatında tətbiq edilməsi də mümkündür. Hazırda bu variant müzakirə edilir. Qətər hökuməti ilə söhbətlər aparmağı planlaşdırırıq. Ümid edirəm ki, ideyamız həyata keçəcək”, -İnfantino bildirib.
Xatırladaq ki, mundialın indiki format - 32 komandanın iştirakı 1998-ci ildə qəbul olunub.
Mənbə: goal.az