Bakı. Hüseyn Vəliyev - Texnologiyaların kommersiyalaşdırılması innovasiyaların inkişafı üçün prioritetdir. Trend-in məlumatına görə, bunu “İnnovasiyalar həftəsi” çərçivəsində “İnnovasiyaların inkişafında əqli mülkiyyətin müdafiəsi məsələləri” adlı seminarda çıxışı zamanı Azərbaycan Əqli Mülkiyyət Agentliyinin İdarə Heyətinin sədri Kamran İmanov deyib. Onun sözlərinə görə, elmi tədqiqatların nəticələrindən gəlirlərin formalaşması, əqli mülkiyyətin istifadəsindən gələn müəllif qonorarları, eləcə də tədqiqat müqavilələrinin imzalanması kimi məsələlər birbaşa əqli mülkiyyətə şamil olunur: “Dünya təcrübəsində kommersiyalaşmanın sürətlənməsi və innovasiyaların inkişafının təmin olunması bir sıra vacib məsələlərin həllini tələb edir. İlk növbədə startapların həvəsləndirilməsinə və innovasiyaların kiçik və orta biznes müəssisələri tərəfindən istifadəsinə imkan yaradılmasına diqqət ayırmaq lazımdır. Digər məqam ali tədris müəsissələrinin dövlət və özəl şirkətlərlərlə əməkdaşlığının sürətləndirilməsi ilə bağlıdır ki, bu məsələ bugünədək aktual olaraq qalır”. Trend-in ən mühüm və maraqlı xəbərlərini "Telegram"da izləyin