İran öz neftini ilk dəfə enerji birjasında satışa çıxarıb.

Son.az AZƏRTAC-a istinadən bildirir ki, İranın Neft Nazirliyi ABŞ-ın sanksiyalarının ikinci mərhələsi ərəfəsində ən az 35 min və ən çox isə 100 min barrel olmaqla neftini Tehran Enerji Birjasında satışa çıxarıb. Neft alışı üzrə müraciətlər üçün ümumi məbləğin 10 faizi nağd şəkildə ödənilməlidir. Qiymət isə bir barrel üçün minimum 79,15 dollar təyin edilib, maksimum qiymət bazardakı dəyişkənliyə görə formalaşacaq. Neft satışı üzrə ödənişlərin 20 faizi rial, 80 faizi digər valyuta növləri ilə həyata keçiriləcək.

İran bu addımı ilə sanksiyalar ərəfəsində neftin ölkədə daha dəyərli olmasını və nağd pul hərəkətini təmin etməyi hədəfləyir.