Psixoloqlar üçün yeni tələblər qoyulacaq – Şura yaradılır


Digərləri 29 Okt 2018 07:45:00 255 0

Psixoloqlar üçün yeni tələblər qoyulacaq – Şura yaradılır

Azərbaycanda psixoloji yardım göstərən şəxslər üçün yeni tələblər qoyulacaq.

Bakı. İlhamə İsabalayeva – Azərbaycanda psixoloji yardım göstərən şəxslər üçün yeni tələblər qoyulacaq. Milli Məclisdən Trend-ə verilən məlumata görə, bu tələblər Milli Məclisə birinci oxunuş üçün təqdim edilən “Psixoloji yardım haqqında” qanun layihəsində öz əksini tapıb. Yeni layihəyə əsasən, psixoloji yardım göstərən şəxslər dövrü olaraq 5 ildə bir dəfə Azərbaycan Psixoloqlar Şurasının müəyyən etdiyi qaydada tədrisə cəlb ediləcəklər. Azərbaycan Psixoloqlar Şurası psixoloji xidmət göstərən mütəxəssislərin fəaliyyətinin əlaqələndirilməsi, onların peşə hüquqlarının qorunması, təcrübə mübadiləsinin aparılması və təbliği, peşəkarlıq səviyyəsinin yüksəldilməsi, əhalinin keyfiyyətli psixoloji xdmətlə təmini, psixoloji xidmət sahəsində elmi tədqiqatların aparılmasına yardım göstərilməsi, psixoloji yardım standartlarının və etika normalarının işlənib hazırlanması məqsədilə yaradılacaq. İctimai əsaslarla fəaliyyət göstərəcək Şura yüksək ixtisaslı psixoloqlardan, müxtəlif sahələrdə psixoloji yardım göstərən dövlət orqanlarının nümayəndələrindən daxil olmaqla, 7 üzvdən ibarət olacaq.