Azərbaycanda şimşək çaxıb, leysan, qar yağıb
Digərləri 27 Okt 2018 14:39:00 241 0
Oktyabrın 26-dan 27-si səhərədək Azərbaycan ərazisində hava şəraiti kəskin dəyişib, şimşək çaxıb, yağış yağıb, bəzi yerlərdə leysan xarakterli intensiv və güclü olub, dağlıq ərazilərdə yağan qar nəticəsində qar ortüyü əmələ gəlib.
Bu barədə Son.az-a Ekologiya və Təbii Sərvətlər Nazirliyinin Milli Hidrometeorologiya Departamentindən məlumat verilib.
Yağan leysan yağışlarla əlaqədar çaylarda (Naxçıvançay, Zəyəmçay, Çaykənd, Qoşqarçay, Vəlvələçay-Təngialtı) sululuq artıb.
Ən çox yağıntı Naxcıvan Muxtar Respublikasına düşüb. Ərəfsədə (Culfa) 70 mm (aylıq normanın 367%-i), Nülgütdə (Ordubad) 65 mm (aylıq normanın 238 %-i) qeydə alınıb. Ağdərədə 26 mm, Şahbuzda 12 mm, Şərurda isə 9 mm olub.
Böyük Qafqazda - İvanovkada (İsmayıllı) 75, Kişçayda (Şəki) 49 (aylıq normanın 55 %-i), Girdimançayda 43 , Qəbələdə 42 (aylıq normanın 33 %-i), Oğuzda 37, Şəki, İsmayıllıda 35 , Şahdağda, Sarıbaşda (Qax) 33, Zaqatalada 31 (aylıq normanın 31 %-i), Dəmiraparançayda 22, Ağsuda 21, Qusar və Şamaxıda 25, Qırızda 24, Xaltanda 19, Qubada 17, Balakəndə 16, Altıağacda 14, Xaçmaz, Şabran və Mərəzədə 3-7 mm təşkil edib.
Lənkəran-Astara zonasında isə Lənkəranda 37, Astarada 29, Lerikdə 14, Yardımlıda 11, Biləsuvar və Neftçalada 6 mm olub.
Kiçik Qafqazda - Göygöldə 27 (aylıq normanın 35 %-i), Daşkəsəndə 23 (aylıq normanın 43%-i), Gədəbəydə 13 mm (aylıq normanın 56 %-i) təşkil edib.
Qazax-Gəncə zonasında isə Naftalanda 15, Gəncədə 12, Ağdam , Ağstafa , Şəmkir, Tovuz və Ceyrançöldə 2-8, Dəstəfurçayda-Qaraqollar (Daşkəsən) 28, Çaykənddə 27, Şməkirçay-Qalakənddə (Gədəbəy) 20, Dağ-Kəsəməndə (Qazax) 12, Qoşqarçay-Sərkar (Göygöl) 8 mm olub.