Bakı. İlhamə İsabalayeva - İnkişaf etmiş ölkələrdə, eləcə də Azərbaycanda oğlan və ya qız uşağı seçimi problemi həll olunmazsa, gələcək nəsillər fenomenlikdən əziyyət çəkəcək. Trend-in məlumatına görə, bunu Avropa İttifaqının Azərbaycandakı nümayəndəliyinin rəhbəri Kestutis Yankauskas “Azərbaycanda gender əsaslı cinsi seçimin (GƏCS) qarşısının alınması və aidiyyəti cavab tədbirlərinin görülməsinə dair Milli Fəaliyyət Planı”nın layihə sənədinin təqdimatında çıxış edərkən deyib. Onun sözlərinə görə, cinsi tarazlığın pozulması sonda insan alverinə gətirib çıxarır. K.Yankauskas problemin həlli və cinsi tarazlığın təmini üçün Avropa İttifaqının Azərbaycana yardım göstərməyə hazır olduğunu da söyləyib. Trend-in ən mühüm və maraqlı xəbərlərini "Telegram"da izləyin