Bakı. İlhamə İsabalayeva - Azərbaycana gələn turistlərin sayının artması onların yerləşdirilməsi üçün tədbirlərin görülməsi vacib edir. Trend-in məlumatına görə, bunu Milli Turizm Sammitində çıxış edən Azərbaycan Turizm Bürosunun icraçı direktoru Florian Zenqstşmidt deyib. Onun sözlərinə görə, hazırda turistlərin yerləşdirilməsi məsələsinin həlli istiqamətində işlər görülür: "Təkcə Bakıda deyil, regionlarda da yaradılacaq hotellərdən xarici turistlər də istifadə edə biləcəklər". F.Zenqstşmidt qeyd edib ki, yeni turizm strategiyası özündə turizmin bütün sahələrini əks etdirir.