Qaşıqçı işində şübhəli bilinən şəxslər Səudiyyə şahzadəsi ilə əlaqəlidirlər?


Dünya 17 Okt 2018 07:57:00 281 0

Qaşıqçı işində şübhəli bilinən şəxslər Səudiyyə şahzadəsi ilə əlaqəlidirlər?

Səudiyyəli jurnalist Camal Qaşıqçının itkin düşməsi ilə bağlı iş üzrə şübhəli bilinən şəxslər Səudiyyə Ərəbistanının vəliəhd şahzadəsi Məhəmməd ibn Salman əs-Səud ilə əlaqəlidirlər.

Son.az "report"-a istinadən bildirir ki, bu barədə öz mənbələrinə istinadən"The New York Times" qəzeti yazıb.

Mətndə bildirilir ki, Türkiyə tərəfindən Camal Qaşıqçının itməsi ilə əlaqədar müəyyən edilmiş şübhəlilərdən biri vəliəhd şahzadə Məhəmməd ibn Salman əs-Səudun şəxsi müşayiətçisi olub: o, Paris və Madriddə onunla birgə təyyarəni tərk edərkən görünüb. Həmçinin şübhəli şəxs şahzadənin bu il Hyuston, Boston və BMT baş qərargahına səfərləri zamanı çəkilən fotolarda diqqəti cəlb edib.

Nəşrin yazdığına görə, digər üç şübhəli vəliəhd şahzadənin təhlükəsizlik xidməti ilə əlaqəlidir. Beşinci şübhəli Səudiyyə Ərəbistanının Daxili İşlər Nazirliyi və tibb müəssisələrində yüksək vəzifə tutan məhkəmə hakimidir ki, bu da onun Səudiyyə rəhbərliyi ilə əlaqələrinin olmasından xəbər verir.