Yaponiya hökuməti turist vizası almaq üçün ərizə verilməsinin elektron sistemini tətbiq etməyə hazırlaşır.

Son.az AZƏRTAC-a istinadən bildirir ki, bu barədə Kyodo agentliyi məlumat yayıb.

Elektron vizanın tətbiqi ərizə verilməsi prosesini sadələşdirərək, diplomatik nümayəndəliklərin yükünü azaltmağa və immiqrasiya nəzarətini gücləndirməyə şərait yaradacaq.

Ərizə ilə müraciət edilməsinin onlayn-sistemi ilkin olaraq Çindən bir dəfə gələn turistlər, sonra isə digər ölkələrdən gələn səyahətçilər üçün tətbiq olunacaq. Yaponiya XİN-nin verdiyi məlumata görə, 2017-ci ildə çinli qonaqlara verilən viza bütün vizaların 60 faizini təşkil edib.