Revmatizmin, sətəlcəmin, qripin bal ilə müalicəsi


Digərləri 16 Okt 2018 21:35:00 235 0

Revmatizmin, sətəlcəmin, qripin bal ilə müalicəsi

Heç kəsə sirr deyil ki, bal min bir dərdin dərmanı sayılır. Allahın bizə bəxş etdiyi bu sirrli məhsul bir çox xəstəliyin müalicəsində istifadə olunur.   Son.az medicina.az-a istinadən bildirir ki, baldan bir neçə formada məcun hazırlaya bilərsiniz.   Onlardan bir neçəsini təqdim edirik:   Qrip simptomları zamanı təbii bal və sürtkəcdən keçirilmiş sarımsağın qarışığını hazırlamaq müalicəvi effekt verir. Yatmazdan əvvəl ilıq, qaynanmış suya və ya südə bir xörək qaşığı bal əlavə edərək qəbul etmək də müsbət təsir göstərir. Qripdən şübhələndiyiniz zaman xüsusi bitki tərkibi ilə müalicə olunmaq məqsədəuyğundur. Bunun üçün 1 xörək qaşığı təbii balı, 1 xörək qaşığı itburnu, qarağat və moruğ qarışığını qaynar suya töküb 15 dəqiqə gözləmək lazımdır. Belə müalicəni gündə üç dəfə yeməkdən yarım saat əvvəl, 0,5 stəkan içmək lazımdır.

Hərarət azaldan və sətəlcəmə qarşı vasitə kimi soyuqdəymə zamanı qeyd etdiyimiz müalicə metodlarından isifadə etmək faydalıdır: 1 xörək qaşığı cökənin güllərini və moruğun giləmeyvələrini 2 stəkan isti suya tökün, 5 dəqiqə qaynadın və soyumaq üçün kənara qoyun. Həlim soyuduqdan sonra süzün və üzərinə 2 xörək qaşığı bal əlavə edib həll edin. Müalicəvi içkini gündə 3-4 dəfə, 0,5 stəkan qəbul etmək lazımdır.

Anginadan qorunma vasitəsi kimi növbəti tövsiyyə - 1 xörək bal və çobanyastığını (aptekdən əldə edə bilərsiniz) 250 ml qaynar suya əlavə edib, dəm alması üçün gözləyin (yarım saatdan az olmamaq şərti ilə). Gündə üç dəfə yaxalama üçün istifadə edin.