Son.az Voice of America-ya istinadən bildirir ki, kraliçanın üçüncü uşağı, şahzadə Endrü və onun keçmiş həyat yoldaşı York hersoginyası Sara Ferqussonun qızı 28 yaşlı Yucin 32 yaşlı Bruksbankla sarayın 15-ci əsrə aid Müqəddəs Corc Kilsəsində ailə qurub.

92 yaşlı şahzadə və onun 97 yaşlı həyat yoldaşı Filipdən əlavə toyda Hollivud ulduzları Liv Tayler və Demi Mur, modellər Keyt Moss və Naomi Kampbel, mügənni Elli Qouldinq iştirak edib.

Yevgeniyanın gəlinlik donu Piter Pilotto və Kristofer De Vos tərəfindən hazırlanıb. Donun kürək hissəsi bilərəkdən açıq qoyulub ki, şahzadənin uşaq ikən olduğu əməliyyat nəticəsində yaranan çapıqlar görsənsin. Yevgeniya kilsəyə atası şahzadə Endrü ilə daxil olub.

Vindzor yaxınlığında toplaşan insanlar mahnılar oxuyub və evlənən cütlüyə xoş diləklərini səsləndirib. Lakin orada şahzadə Harrinin toyundan daha az insan toplaşıb.

Mərasimin keçirildiyi məkana 1200 adi vətəndaş dəvət olunub.