Prezident İlham Əliyev İraq və Maldiv prezidentlərini təbrik edib


Siyasət 04 Okt 2018 17:12:00 264 0

Prezident İlham Əliyev İraq və Maldiv prezidentlərini təbrik edib

Azərbaycan Prezidenti İlham Əliyev İraq Prezidenti Bərham Salehə təbrik məktubu ünvanlayıb.

Son.az AZƏRTAC-a istinadən xəbər verir ki, təbrikdə deyilir:

"Hörmətli cənab Prezident, İraq Respublikasının Prezidenti vəzifəsinə seçilməyiniz münasibətilə Sizi səmimi qəlbdən təbrik edirəm.

İnanıram ki, Azərbaycan ilə İraq arasındakı dostluq və əməkdaşlıq münasibətləri xalqlarımızın mənafelərinə uyğun olaraq bundan sonra da inkişaf edəcək və genişlənəcəkdir.

Sizə möhkəm cansağlığı, xoşbəxtlik, dost İraq xalqının rifahı naminə qarşıdakı fəaliyyətinizdə uğurlar arzulayıram".

Dövlətimizin başçısı, həmçinin Maldiv Respublikasının yeni seçilmiş Prezidenti İbrahim Məhəmməd Solihi təbrik edib.

Məktubda qeyd olunur: "Hörmətli cənab Solih, Maldiv Respublikasının Prezidenti vəzifəsinə seçilməyiniz münasibətilə Sizi təbrik edirəm.

Ümidvaram ki, ölkələrimiz arasındakı münasibətlər birgə səylərimizlə bundan sonra da dostluq və əməkdaşlıq məcrasında inkişaf edəcəkdir.

Sizə möhkəm cansağlığı, xoşbəxtlik, qarşıdakı fəaliyyətinizdə uğurlar diləyirəm".