Google 9 milyard dollar ödəyəcək


Digərləri 04 Okt 2018 08:35:00 201 0

Google 9 milyard dollar ödəyəcək

ABŞ-ın "Google" şirkəti "Apple Safari" brauzerində başlanğıc ayar kimi axtarış sistemi statusunu qoruyub saxlamaq üçün 9 milyard dollar ödəyəcək.   "Business Insider" nəşri yazır ki, gələn il ödəniş məbləği 12 milyard dollaradək artacaq. Ötən il "Google" bu seçim üçün 3 milyard dollar ödəmişdi.   Son.az ICTnews-a istinadən bildirir ki, məlumata görə, illik ödənişin məbləği "iOS" sisteminin idarəetməsi altında işləyən qurğularda "Siri" səsli köməkçisi və "Safari" brauzerindən "Google" axtarış sisteminə edilmiş sorğulara görə hesablanır.   Analitiklərin fikrincə, "Google" üçün başlanğıc ayar kimi axtarış sistemi statusundan imtina etmək əlverişsizdir, çünki "Apple" sözügedən axtarış sistemi üçün ən böyük trafik mənbələrindən biridir.