Bağçada uşaqları döyən tərbiyəçi məhkəmə zalından azadlığa buraxıldı VİDEO


Digərləri 03 Okt 2018 11:11:23 252 0

Bağçada uşaqları döyən tərbiyəçi məhkəmə zalından azadlığa buraxıldı  VİDEO

Yasamal Rayon Məhkəməsində "Kids Studio Uşaq Mərkəzi"nin tərbiyəçisi Firuzə Tağıyevanın cinayət işi üzrə məhkəmə prosesi başa çatıb. 

Son.az oxu.az-a istinadən xəbər verir ki, hakim Azər Tağıyevin sədrliyi ilə baş tutan prosesdə hökm oxunub. 

Hökmə əsasən, Firuzə Tağıyevanın barəsində Cinayət Məcəlləsinin 70-ci (şərti məhkum etmə) maddəsi tətbiq edilib.

Ona bir il sınaq müddəti təyin olunmaqla, barəsində şərti cəza verilib. O, məhkəmə zalından azadlığa buraxılıb. 

Firuzə Tağıyevanın barəsində Cinayət Məcəlləsinin 133.2.1-ci (işgəncə vermə, iki və ya daha çox şəxsə qarşı törədildikdə) və 133.2.4-cü (işgəncə vermə, təqsirkar şəxs üçün aşkar surətdə yetkinlik yaşına çatmayan, habelə köməksiz vəziyyətdə olan şəxsə qarşı törədildikdə) maddələri ilə ittiham elan edilib. 

İttihama görə, bu il iyunun əvvəllərində Yasamal rayonunda yerləşən "Kids Studio Uşaq Mərkəzi"nin bağçasında uşaqlar tərbiyəçi tərəfindən zorakılığa məruz qalıb. 

Bu barədə videogörüntülər sosial şəbəkədə yayılandan sonra cinayət işi açılıb.