Son.az medicina.az-a istinadən bildirir ki, ötən il Britaniya tibb jurnalında dərc olunan materialda farmasevtik kompaniyaların istehsal etdikləri preparatın kliniki sınaqları barədə informasiyanı tam açıqlamaması və çox məqamları gizlətməsi qeyd olunmuşdu.

Kokranovskiy birliyinin təsisçisi dr. Piter Getse qeyri-steroid iltihab əleyhinə preparatlar və antidepressantların araşdırılması istiqamətində çalışır. Onun diqqətində Tilenol, İbuprofen, diklofenak kimi dərmanlar da var.

Daha bir VİOKS adlı preparat  5 ildə 100.000 pasiyentdə ürək-damar xəstəliyi yaratdığına görə satışdan yığışdırılıb. Doktor Getse hesab edir ki, qeydə alınan bu problemlər, ölüm faktları hələ aysberqin görünən tərəfidir.

" Dərmanlara xüsusiyyət, ad seçmək farmakoloji sənayenin icadıdır. Onların nəhəng maddi maraqları var ki, məhz iltihab əleyhinə dərmanı kimi təqdim etsinlər. Onlar həkimləri müxtəlif kliniki tədqiqatlarla inandırıblar ki, bu və digər preparat xəstəliyin gedişatını azaldır, iltihabi prosesləri səngidir, oynaqların zədələnməsinin qarşısını alır".

Oqayo Universitetinin tədqiqatşıları çox istifadə olunan parasetamol ağrıkəsicisinin əvvəllər məlum olmayan əks təsirini aşkarlayıblar: dərman müsbət emosiyaları öldürür.

Tədqiqatın iştirakçıları parasetamol qəbulundan sonra müsbət və xoş bir şeyə baxdıqda az emosiyalar hiss etdiklərini qeyd ediblər. Deməli, ağrıkəsicilərin psixoloji təsirləri üzə çıxır.

" Parasetamolu sadəcə ağrıkəsici kimi markalamaqdansa, onu universal emosiya neytrallaşdırıcı kimi adlandırmaq daha düzgün olardı.  Parasetamolun müalicədə istifadəsi çox dərin təsirlər verir, hansı ki, əvvəllər bu barədə düşünülməmişdi- deyə tədqiqatın müəllifi Cefri Durso bildirib. Aspirin və ibuprofen kimi preparatların qəbulu ürək çatışmazlığı riski ilə bağlıdır.

754 kliniki təcrübənin nəticəsi göstərir ki, qiymətləndirməyə görə daha çox ibuprofen hər il minlərlə insanın ürək-damar xəstəliklərindən ölməsində təsiredici faktor rolunu oynayıb. Bu dərmanın uzun müddət qəbulu 1999-2003-cü illərdə minlərlə pasiyentdə qəfil ürək tutmasından ölümə gətirib çıxarıb. Reyters agentliyinin məlumatına görə, yüksək dozada diklofenak və ibuprofen kimi preparatların uzun müddər qəbulu Vioks preparatı kimi ürək tutmaları riskini artırır.