Azərbaycan Dövlət Din Tarixi Muzeyi İstiqlal Muzeyinə birləşdirilib
Digərləri 02 Okt 2018 08:24:00 277 0
Nazirlər Kabineti 2014-cü il 17 iyun tarixli ilə təsdiq edilmiş "Azərbaycan Respublikası Mədəniyyət və Turizm Nazirliyinin strukturuna daxil olmayan tabeliyindəki qurumların Siyahısı"nın "Büdcədən maliyyəşdirilən qurumlar" bölməsinin "Muzeylər" hissəsinə dəyişiklik edib.
"Report" xəbər verir ki, bu barədə qərarı baş nazir Novruz Məmmədov imzalayıb.
Qərara əsasən "Azərbaycan Respublikası Mədəniyyət və Turizm Nazirliyinin strukturuna daxil olmayan tabeliyindəki qurumların Siyahısı"nın "Büdcədən maliyyəşdirilən qurumlar" bölməsinin "Muzeylər" hissəsinin 2.6-cı bəndi ləğv edilib. Qərarla Mədəniyyət Nazirliyinin təklifi nəzərə alınaraq, Azərbaycan Dövlət Din Tarixi Muzeyi Azərbaycan İstiqlal Muzeyinə birləşdirilib.
Mənbə: milli.az