Bakı. Binəqədidə 1 oktyabr - Prokurorluq işçilərinin peşə bayramı qeyd edilib. Rayon İcra Hakimiyyətindən Trend-ə verilən məlumata görə, qeyd edilən əlamətdar gün münasibətilə Binəqədi rayon İcra Hakimiyyətində tədbir keçirilib. Tədbirdə Binəqədi Rayon İcra Hakimiyyətinin başçısı Elxan Allahverdiyev, RİH başçısının müavinləri, aparatın şöbə müdirləri, rayonun hüquq-mühafizə orqanlarının rəhbərləri, Binəqədi rayon Prokurorluğunun əməkdaşları iştirak ediblər. Tədbirin əvvəlində Ulu Öndərin büstü önünə təzə-tər qızılgüllər qoyularaq xatirəsi yad edilib.