Makedoniyanın adının dəyişdirilməsi haqqında referendum başlayıb
Dünya 30 Sen 2018 10:43:00 291 0
Makedoniyada ölkənin adının dəyişdirilməsi haqqında məşvərət referendumunda səsvermə başlayıb.
Son.az bildirir ki, Trend-in ölkənin Dövlət Seçki Komissiyasına (DSK) istinadən verdiyi məlumata əsasən, referendumda 1 806 336 nəfər səs verə biləcək. Referendum 07:00-dan 19:00-dək davam edəcək.
Səs verənlər "Makedoniya Respublikası və Yunanıstan Respublikası arasında sazışı qəbul etməklə Aİ və NATO-ya daxil olmanı dəstəkləyirsiz?" sualına cavab verəcəklər.
Referendum məşvərət xarakteri daşıyır. Lakin Makedoniyanın qanunvericiliyinə əsasən, referendumun uğurlu keçməsi üçün ona seçicilərin yarısından çoxunun - 903 min vətəndaşın səs verməsi tələb olunur.
Mənbə: milli.az