Gələn ildən pensiya təyinatının tam avtomatlaşdırılması nəzərdə tutulur. Son.az bildirir ki, bunu jurnalistlərə açıqlamasında Əmək və əhalinin sosial müdafiəsi naziri Sahil Babayev deyib. Mövcud qanunvericiliyə görə, işləyən pensiyaçılar altı ildən sonra işlədikləri dövr üzrə sosial sığorta haqlarını almaq üçün müvafiq quruma şəxsən müraciət etməlidirlər. Nazir qeyd edib ki, elektronlaşma işləri tam başa çatdıqdan sonra pensiyaçının şəxsən müraciət etməsinə ehtiyac qalmayacaq, sistem avtomatik qaydada 6 ildə yığılan məbləği hesablayıb əsas pensiyaya əlavə edəcək.