Bakı. Azad Həsənli - Azərbaycanla Ukrayna arasında münasibətlər strateji tərəfdaşlıq səviyyəsinə çatıb. Trend-in məlumatına görə, bunu Ukraynanın müstəqilliyinin 27-ci ildönümünə həsr olunmuş tədbirdə baş nazirin birinci müavini Yaqub Eyyubov deyib. Y.Eyyubovun sözlərinə görə, iki ölkə arasındakı əlaqələr dostluq və qarşılıqlı hörmətə əsaslanır. Baş nazirin birinci müavini qeyd edib ki, iqtisadi əlaqələr sürətlə inkişaf edir. Y.Eyyubov iki ölkə arasında iqtisadi əlaqələrin dərinləşməsində Azərbaycan-Ukrayna hökumətlərarası komissiyasının rolunu xüsusi vurğulayıb. Y.Eyyubov həmçinin əlavə edib ki, hər iki ölkə müxtəlif beynəlxalq təşkilatlarda uğurlu əməkdaşlığı davam etdirir. Trend-in ən mühüm və maraqlı xəbərlərini "Telegram"da izləyin