Ötən həftə karyerasında 500-cü qolunu vuran Zlatan İbrahimoviçə klubu LA Galaxy tərəfindən jest edilib. Goal.az xəbər verir ki, ABŞ klubu isveçli hücumçuya “Qolların Tanrı”sı ləqəbini verib. Hətta MLS təmsilçisi həftəsonu çempionatda Vancouver-lə keçiriləcək oyunun afişasına 36 yaşlı futbolçunun film qəhrəmanı Tor obrazında şəklini vurub. Həmin plakatlar matçı izləmək üçün stadiona gələcək ilk 10 min azarkeşə təqdim olunacaq.