"Özünüzü Xanım Qafarovanın qızı ilə reklam etməyin"
Şou-biznes 26 Sen 2018 17:32:00 297 0
"MTV Azərbaycan" kanalının aparıcısı Aytən Leylaqızı son zamanlar mərhum aktrisa Xanım Qafarovanın qızı ilə gündəmə gələn məşhurları kəskin tənqid edib. Son.az xəbər verir ki, baku.ws-ya danışan aparıcı bunları deyib:
"Sosial şəbəkələri izləyirəm və çox məyus oluram. İki il olar ki, Xanım Qafarovanın qızı Gövhərlə əlaqəm var, daim ona mənəvi və maddi dəstək olmağa çalışıram. Mən hələ İnterAz TV-də işləyəndə Uşaqların Beynəlxalq Müdafiəsi Günündə onların evinə getmişdim. Onlar "Kubinka" adlanan ərazidə kiflənmiş, nəmişlik qarajda yaşayırdılar. Evə üfunətdən girmək olmurdu.
Bu sənətçilərin, müğənnilərin, X. Qafarovanın həmkarlarının bir dəfə o qıza gedib baş çəkəndə 200-300 manatları olmayıb ki, o evi təmir etsinlər? Heç olmasa oranı o uşağa görə təmir edərdiniz. Özüm qalmaqaldan uzağam, amma daha dözə bilmədim. Şükür Allaha, hazırda o ev yaxşı vəziyyətdədir, bir nəfərdən xahiş etdim, oranı təmir etdi.
Mənbə: milli.az