"Düşmənin istənilən uçuş vasitəsi tərəfimizdən dərhal neytrallaşdırılacaq" Müdafiə Nazirliyi


Digərləri 25 Sen 2018 10:37:00 229 0

"Düşmənin istənilən uçuş vasitəsi tərəfimizdən dərhal neytrallaşdırılacaq"  Müdafiə Nazirliyi

Azərbaycan Müdafiə Nazirliyi erməni təxribatı ilə bağlı bəyanat yayıb.

Nazirlikdən Son.az-a verilən məlumata görə, bəyanatda deyilir:

"Ermənistan hərbi-siyasi rəhbərliyi qoşunların qarşıdurma xəttində vəziyyətin gərginləşdirilməsinə yönəlmiş növbəti təxribat xarakterli addım atır. İşğal olunmuş ərazilərimizdə hərbi aviasiyanın cəlb olunması ilə təlim uçuşlarının keçirilməsi barədə düşmən tərəfinin yaydığı məlumat bunun əyani sübutudur.

Müdafiə Nazirliyi bəyan edir ki, ön xətdə yerləşən bölmələrimizin mövqelərinə yaxınlaşmağa cəhd göstərən düşmənin istənilən uçuş vasitəsi tərəfimizdən dərhal neytrallaşdırılacaq və baş verə biləcək itkilərə görə məsuliyyət tamamilə Ermənistanın hərbi-siyasi rəhbərliyinin üzərinə düşəcək".