Son.az ICTnews-a istinadən bildirir ki, innovasiyalara uzun müddətdir diqqət artırılmasına baxmayaraq ticarət əməliyyatlarının maliyyələşdirilməsi üçün alətlər bazarı hələ də köhnəlmiş texnologiyalara əsaslanır. Köklü dəyişikliklər tranzaksiyaların effektivliyini əhəmiyyətli dərəcədə artıra bilən çoxsaylı blokçeyn təşəbbüsləri sayəsində gözlənilir.

Hesabatda deyilir ki, bölüşdürülmüş reyestr və digər texnoloji innovasiyalar xərclərin azaldılması və sadə istifadənin təmin edilməsi yolu ilə ticarət və tədarük zəncirinin maliyyələşdirilməsi sahəsində böyük irəliləyişlər vəd edir.

Tədqiqat müəlliflərinin qənaətinə görə, blokçeyn ticarət maliyyələşməsinin 1,5 trilyon dollarlıq cari kəsirini aradan qaldırmağa kömək edəcək.