Albaniya milli komandasının baş məşqçisi Kristian Panuççi ölkənin sabiq prezidenti Buyar Nişanini məhkəməyə verib. Goal.az xəbər verir ki, 45 yaşlı mütəxəssis Nişanini onun nüfuzuna zərər verməkdə günahlandırır. Ölkənin keçmiş başçısı yoldaşlıq oyununda Kosovoya 0:3 hesablı məğlubiyyətdən sonra baş məşqçini "iblis" adlandırıb. Nişani hesab edib ki, Panuççi yığmada ondan əvvəl yaradılanları məhv edir.