Son.az Sputnik Azərbaycan-a istinadən bildirir ki, ekstremizm və nifrəti qızışdıran kontentlə mübarizə "Facebook", "Twitter" və "YouTube" kimi böyük internet şirkətləri üçün əsas və çətin vəzifələrdəndir. Müxtəlif ölkələrin hökumətləri platformalardan belə kontenti mümkün qədər tez yığışdırmağı tələb edir, lakin moderatorluqla məşğul olan əməkdaşlar və onlara kömək üçün nəzərdə tutulan avtomatik alqoritmlər bu vəzifənin öhdəsindən həmişə gələ bilmirlər. Bundan başqa, bu halda söhbət kontent dərc edildikdən sonra onun bloklanması və silinməsindən gedir.

ABŞ alimlərinin alqoritmi mahiyyət etibarilə təkrar moderatorluğu həyata keçirməyə imkan verir. O, terrorçu təşkilat üzvlərinin və ya onlarla əlaqədar istifadəçilərin (onların hesabları barədə məlumat KİV, bloqlar, analitiklər və hüquq-mühafizə orqanları vasitəsilə toplanıb) apardığı 5 min mikrobloqun analizinə əsaslanır. Analiz üçün alimlər seçilən hesablarla əlaqədar 4,8 milyon "Twitter" informasiya blokundan, bu istifadəçilərin, eləcə də onların dostlarının və abunəçilərinin profil təsvirlərindən (bu, bazanı 1,3 milyon hesabadək artırıb) istifadə ediblər.