İngiltərə millisi və Manchester United-in müdafiəçisi Lyuk Şou oyun zamanı huşunu itirib. Goal.az xəbər verir ki, 23 yaşlı futbolçu Millətlər Liqasının ilk turunda  İspaniya ilə matçda zədələnib.  O, matçın 53-cü dəqiqəsində qonaqların futbolçusu Dani Karvaxalla mübarizə zamanı huşunu itirib.  Şouya dərhal tibbi yardım göstərilib. 23 yaşlı futbolçu meydanı oksigen maskası ilə tərk edib.