Alimlər Saxara səhrasını yaşıllaşdırmağın yollarını tapıblar


Digərləri 08 Sen 2018 08:09:00 405 0

Alimlər Saxara səhrasını yaşıllaşdırmağın yollarını tapıblar

ABŞ, İtaliya və Çindən olan bir qrup meteoroloq Saxara səhrasının (Böyük səhra) iqlimini modelləşdirib və bu, sözügedən regionun yenidən məhsuldar ola biləcəyini göstərib.

Son.az "Report"a istinadən bildirir ki, onların araşdırması "Science" jurnalında dərc olunub.

Yuciniya Kalnayın rəhbərlik etdiyi alimlər qrupu öz araşdırmasında Saxaranın bütün ərazisində (9 milyon kvadrat kilometrdən çox) günəş və külək elektrik stansiyaları tikməyi təklif ediblər. Bu meqalayihənin həyata keçirilməsi sayəsində hazırda bütün bəşəriyyətin istifadə etdiyi elektrik enerjisindən 4 dəfə çox enerji istehsal etmək mümkün olacaq.

Onların sözlərinə görə, obyektlərin səhraya yerləşdirilməsindən sonra yağıntıların sayı iki dəfədən çox artacaq ki, bu da bitkilərin cücərməsini sürətləndirəcək və bunun sayəsində bölgədə bitki örtüyü artacaq.