Allah şeytanı niyə xəlq etdi?


Digərləri 06 Sen 2018 23:05:00 284 0

Allah şeytanı niyə xəlq etdi?

Bəzilərində bu sual meydana gəlir ki, Allah şeytanı hansı məqsədlə xəlq etmişdir? Axı insanı hidayət edən peyğəmbərləri və səma kitabları vardır. Şeytanın (lən) xəlq olunmasında məqsəd nə olmuşdur?

Gərək bu sualın cavabında deyək ki, Allah Təala şeytanı, şeytan olaraq xəlq etməmişdir. Əslində Uca Xaliq cinləri xəlq etmişdir. Bu, cindir ki, dönüb şeytan olmuşdur.

Eləcə də Allah Fironu, Firon olaraq xəlq etməmişdir, onu insan olaraq xəlq etmişdir. Bu, həmin insandır ki, Firona çevrilmişdir.

Həmin şeytan Allaha 6 min il ibadət edir, hətta mələklərin müəllimi belə olur. Həm abid idi və həm də alim. Şeytanı, şeytan edən şey - təkəbbürü oldu və o məlun, Həzrət Adəm (ə) qarşısında səcdə etmədi.

Son.az deyerler.org-a istinadən bildirir ki, Allah Təala şeytan barəsində buyurur: "Və (yada sal) o zaman(ı) ki, mələklərə "Adəmə səcdə edin" dedik. Cinlərdən (cin tayfasından) olan İblisdən başqa onlar hamılıqla səcdə etdilər (İblis də cin olduğu üçün belə etdi, yoxsa ki, mələk günah etməz). Beləliklə o, öz Rəbbinin əmrindən çıxdı.

(Belə isə,) sizə düşmən olduqları halda Mənim yerimə, onu və onun övladlarını özünüzə dost, yardımçı və başçı götürürsünüz?!