Son.az "Report"a istinadən bildirir ki, Luziya adı verilən qadının kəllə sümüyü Rio-de-Janeyro şəhərində  yanğınsöndürənlər tərəfindən başqa arxeoloji qalıqların saxlandığı otağın döşəməsi üstündə aşkarlanıb.

Yaşı 11 min ildən artıq olan tapıntı 1974-cü ildə Minas Jerais ştatındakı Lapa Vermella mağarasında braziliyalı və fransalı arxeoloqlar tərəfindən tapılmışdı. Luziyanın qitənin ilk sakinlərindən olduğu ehtimal edilir. Onun sümüyü Braziliya Milli Muzeyinin ən dəyərli eksponatlarından biri sayılırdı.