Son.az bildirir ki, məsələn, 175 və 125 saylı marşrut xətlərinin avtobusları ilə hərəkət edən sərnişinlər yarı yolda düşsələr belə, onlar 10 qəpik daha çox vəsait ödəmiş olurlar. Halbuki, məsafədən asılı olaraq vətəndaşların ödəməli olduqları gedişhaqqı isə belədir: 15 km-dək məsafə qət edən marşrutlarda gediş haqqı 30 qəpikdir. 15-30 km arasında hərəkət edən marşrut avtobuslarında qiymət 40 qəpik, 30-40 km arasındakı məsafə üçün 50 qəpik, 40-45 km-dək 60 qəpik, 45-50 km-dək 80 qəpik, 50 km-dən yuxarı yol qət edən marşrut avtobuslarında isə gediş haqqı 90 qəpik müəyyən edilib..

Məsələ ilə bağlı Bakı Nəqliyyat Agentliyindən bildirdilər ki, bu problemin həlli ilə bağlı aidiyyatı üzrə iş aparılır. Vətəndaşların məsafədən asılı olaraq tələb olunan pulu ödəmələri üçün avtobusa əlavə avadanlıqlar quraşdırılmalıdır. Bu texniki məsələlər həll olunduqdan sonra gedişhaqqının ödənilməsi tam qaydaya düşəcək. /xezerxeber.az