Bakıda paltar qurutmaq üçün asılan iplər sökülür VİDEO


Digərləri 01 Sen 2018 19:11:00 484 0

Bakıda paltar qurutmaq üçün asılan iplər sökülür  VİDEO

Bakıda şəhərin estetik görünüşünü pozan, paltar qurutmaq üçün asılan iplər sökülüb.

Son.az xezerxeber.az-a istinadən bildirir ki, bu dəfə eyvandan paltaq asmaq qadağası paytaxtın Nərimanov rayonunda tətbiq olunub.

Rayon İcra Hakimiyyəti və Polis İdarəsinin əməkdaşları qaldırıcı kran vasitəsi ilə Həsən Əliyev küçəsində eyvanda olan paltar iplərini kəsiblər.

Gün boyu rayon ərazisində bir neçə küçə və prospektdə 100-ə yaxın binada paltar qurutmaq üçün asılan iplər sökülüb. Əvəzində isə rayon icra hakimiyyəti həmin sakinlərə müasir paltar qurutmaq üçün avadanlıq verib. Bir-bir qapıları döyən Mənzil Kommunal Təsərrüfat Birliyinin əməkdaşları həmin avadanlığı sakinlərə təqdim edib.

Bənzər tədbir Yasamalda bu gün də davam edib. Polisin də iştrakı ilə icra hakimiyyətinin əməkdaşları İnşaatçılar, Nərimanov, Hüseyn Cavid prospektlərində, M.Müşfiq və H.B.Zərdabi küçəsində 50-dən çox binada paltar qurutmaq üçün asılan iplər kəsilib, sakinlərə bir daha xəbərdarlıq edilib. Rayon Polis İdarəsinin rəisi İsfəndiyar Mehbalıyevin sölərinə görə, paltar asılqanlarının kəsilməsində əsas məqsəd vətəndaşların təhlükəsizliyini təmin etməkdir.