Qlobal televizor bazarının vəziyyəti bəlli olub


Digərləri 01 Sen 2018 07:11:00 313 0

Qlobal televizor bazarının vəziyyəti bəlli olub

Koreyanın "Samsung" və "LG" istehsalçılarının qlobal televizor bazarında payı təxminən 50%-ə yaxındır. Bu haqda "IHS Markit" analitik şirkətinin 2018-ci ilin birinci yarısı üçün hesabatında deyilir.   Son.az ICTnews-ə istinadən bildirir ki, 2018-ci ilin birinci yarısında dünyada 99 milyon televizor satılıb ki, bu da ötən illə müqayisədə 7,9% daha çoxdur. Qlobal televizor tədarükünün 29%-i "Samsung Electronics", 17,5%-i isə "LG Electronics" şirkətlərinin payına düşür. İki şirkətin qlobal televizor bazarında ümumi bazar payı 46,5%-ə bərabərdir. Xatırladaq ki, 2017-ci ildə bu göstərici 41,1% olub.   Çinin "Hisense" (5,7%) və "TCL" (5,6%) şirkətləri müvafiq olaraq dördüncü və beşinci yerləri bölüşdürürlər.   Analitiklərin məlumatına görə, qlobal televizor bazarında "Samsung" şirkəti 12 ildir liderliyini qoruyub saxlayır.