ABŞ 200 mlrd. dollarlıq Çin malına yeni rüsumlar tətbiq edir
Dünya 31 Avq 2018 09:07:00 249 0
ABŞ prezidenti Donald Tramp 200 milyard dollarlıq Çin malına əlavə rüsumlar tətbiq etmək fikrindədir. Artıq gələn həftə bu qərar rəsmi şəkildə elan oluna bilər.
Son.az report-a istinadən xəbər verir ki, bu barədə cümə axşamı "Bloomberg" nəşri yazıb.
Mənbələrin məlumatına görə, administrasiyanın biznes və ictimaiyyət nümayəndələrinin rüsumlara münasibət bildirmələri üçün ayırdığı vaxt sentyabrın 6-da başa çatacaq. D.Tramp bu müddət başa çatan kimi göstərilən ticarət məhdudiyyətlərini tətbiq etmək niyyətindədir. Materialda rüsumların aid olacağı Çin mallarının tam siyahısı yoxdur.
Mənbə: milli.az