Müəllimlərin yay məzuniyyəti başa çatdı
Digərləri 28 Avq 2018 15:06:00 227 0
Azərbaycanda orta məktəb müəllimləri üçün yay məzuniyyəti başa çatıb.
Son.az modern.az-a istinadən xəbər verir ki, onlar sabahdan - 29 avqust 2018-ci il tarixindən işə çıxmağa başlayacaqlar.
Yeni tədris ilinin yaxınlaşması ilə əlaqədər məktəblərdə dərs bölgüsü də aparılacaq.
Qeyd edək ki, Əmək Məcəlləsinin 118-ci maddəsinə əsasən, bütün ixtisas müəllimlərinə 56 təqvim günü müddətinə əmək məzuniyyəti verilir. Mövcud qanunvericiliyə əsasən, bilavasitə təlim-tədris prosesində iştirak edən pedaqoji işçilərə əmək məzuniyyətləri bir qayda olaraq yay tətili dövründə verilir.
Təhsil naziri Ceyhun Bayramov bir müddət öncə "Ümumtəhsil məktəblərinin 2018-2019-cu dərs ilinə aid tədris planlarının təsdiqi haqqında" əmr imzalayıb.
Mənbə: milli.az