İranın rəsmi agentliyi İRNA-nın xəbərinə görə, qonşu ölkələrdən İraq, Pakistan və Əfqanıstana yenidən elektrik verməyə başladıqlarını bildirən R.Ərdəkaniyan deyib: "Müqavilələrimizin maddələri düzgün həyata keçirildiyi üçün enerji ixracını davam etdirməyə qərar verdik. Rəsmi Bağdad ödəmələrin bir hissəsini etdi və biz də İraqın toplanan enerji tələbatını sürətlə yerinə yetirməyə çalışırıq. İxracla yanaşı, ehtiyac olarsa, Türkmənistan və Ermənistandan da enerji idxal edə bilərik."