Cəlilabadda yola çıxan 3 yaşlı uşağı maşın vurub
Digərləri 25 Avq 2018 22:51:00 266 0
Cəlilabad rayonunda piyadanın vurulması ilə nəticələnən yol-nəqliyyat hadisəsi baş verib.
Son.az "Report"a istinadən bildirir ki, rayonun 2015-ci il təvəllüdlü Qarağac kənd sakini Cəfərov Rza Zaur oğlunu şəhərin Silsilə adlanan ərazisində "Jiquli" markalı avtomobil vurub.
Üç yaşlı uşaq dərhal xəstəxanaya çatdırılıb. Ona lazımi tibbi yardım göstərildikdən sonra evə buraxılıb.
İlkin məlumata görə, azyaşlının qəfil yola çıxması qəzaya səbəb olub.
Faktla bağlı araşdırma aparılır.
Mənbə: milli.az