Cəlilabadda nə baş verir? Qəribə, gözəgörünməz


Digərləri 25 Avq 2018 21:08:00 281 0

Cəlilabadda nə baş verir?  Qəribə, gözəgörünməz

İnsanlar hər gecə həyətlərində keşik çəkməli olurlar. Kənd sakinləri iddia edir ki, naməlum şəxs və şəxslər onların evlərindən oğurluq edir, sakinləri qorxudurlar.

Bir-neçə gündür ki, Cəlilabadın Alar kəndində sakinlərin evlərindən oğruluq etməyə çalışan kimlərsə peyda olub. Kənd sakinləri deyir ki, onları qorxu içində saxlayan həmin şəxs və ya şəxslərgecələr evlərinə daxil olur. Onların kim olduğunu görən olmasa da, kənddə artıq müxtəlif şayiələr dolaşmağa başlayıb.

Son.az xezerxeber.az-a istinadən bildirir ki, ötən gecə isə Alar kəndində yerləşən Muradxanlı qəbiristanlığında yanğın baş verib. Kənd sakinlərinin sözlərinə görə qəbiristanlığı evlərdən oğurluq etmək istəyən naməlum şəxs və şəxslər qəsdən yandırıblar. Bu əməllə onlar əhalini yanğın yerinə cəlb etmək niyyətində olublar. Hadisədən vaxtında xəbər tutan sakinlər yanğının geniş əraziyə keçməsinin qarşısını ala biliblər.

Məsələ ilə bağlı Cəlilabad Rayon Polis Şöbəsindən bildirdilər ki, hadisə hüquq-mühafizə orqanlarıın nəzarəti altındadır. Aparılan əməliyyataxtarış tədbirləri nəticəsində Alar kənd sakinləriniqorxu içində saxlayan şəxslər artıq aşkar edilib.


Xəbərə aid video