İtaliyada körpünün çökməsi nəticəsində baş vermiş faciə ilə əlaqədar matəm elan edilib
Dünya 17 Avq 2018 16:35:58 278 0
Prezident və baş nazirin iştirakı ilə dəfn mərasimi sabah keçiriləcək
İtaliyanın Genuya şəhərində körpünün çökməsi nəticəsində ölənlərin xatirəsini yad etmək məqsədilə sabah axşam paytaxt Romanın əsas görməli yerlərindən olan Kolizeydə işıqlar söndürüləcək.
"Report" "RİA Novosti"yə istinadən xəbər verir ki, İtaliyada baş verən faciə ilə əlaqədar milli matəm elan edilib.
Prezident və baş nazirin iştirakı ilə dəfn mərasimi sabah Genuyada keçiriləcək.
Xatırladaq ki, daha əvvəl İtaliya baş naziri Cüzeppe Konte faciə nəticəsində 38 nəfərin öldüyünü, 15 nəfərin yaralandığını söyləyib. 10 nəfər itkin düşmüş sayılır.
Mənbə: report.az