ABŞın NÖVBƏTİ FƏLAKƏTİ: Türkiyə F35 proqramından çəkilsə...


Dünya 16 Avq 2018 13:16:00 285 0

ABŞın NÖVBƏTİ FƏLAKƏTİ: Türkiyə F35 proqramından çəkilsə...

ABŞ prezidenti Donald Trampın Türkiyə və iqtisadiyyatını hədəf alan sanksiyalarına Qərbdə etirazlar gedərək artmaqdadır.

Son.az bildirir ki, İngiltərənin "Çatham Haus" analitik qurumunun Türkiyə və Yaxın Şərq üzrə mütəxəssisi Fadi Hakura yaranmış iqtisadi məngənənin Avropaya doğru yol alacağını deyib. Onun sözlərinə görə, Qərb Türkiyəni itirsə, bunun ağır nəticələri ilə üzləşər.

ABŞ-ın FDD analitik mərkəzinin mütəxəssisi Conatan Şanzer isə Türkiyənin "F-35" proqramından çəkilməsinin faciəyə yol açacağını qeyd edib. Belə ki, "F-35" raketlərinin uzaqdan idarəetmə və elektron kartlarının tək istehsalçısı Türkiyənin AYESAŞ şirkətidir. Bu da layihənin 12 milyard dollarlıq hissəsini təşkil edir.

Azərbaycan əsilli iş adamı Rza Zərrabın məhkəmə prosesi ilə yaxından maraqlanan Şanzer tvitter hesabından bu açıqlamanı verib: "Biri mənə bu iki komponent üçün təcili planımız olduğunu desin. Türkiyənin xarici siyasətini diqqətlə izləyən hər hansı bir müşahidəçi belə bu böhranın qarşısını ala bilərdi. Hazırda hərbi ağlımıza güvənə biləcəyimizi ümid edirəm".